李元元旗袍Look激凸肚仔笑似知客　網友：視線完全離唔開個肚腩仔

李璨琛囡囡李元元Lucy，憑住多多表情兼圓碌碌身形深受網友追捧。仲有十日左右就到牛年，媽媽Pae為佢精心打扮著上中式旗袍，點知Lucy腰間腩肉搶晒焦點，媽媽都不禁笑Lucy似足「酒樓知客」：「紫色似奶奶，紅色似知客，但都係無頸。」網友見到佢個小肚肚加埋招牌表情，不禁大呼可愛「第一次見咁可愛嘅知客」、「佢究竟偷食咗幾多點心，個肚脹到個波咁」、「我視線完全離唔開LuLu個肚腩仔呀」。