《金手指》梁朝偉率先爆跟劉德華角色關係：《無間道》嘅掉轉！

投資3億5千萬的電影鉅獻《金手指》，再次迎來《無間道》的黃金組合，劉德華、梁朝偉再度合作成為話題，兩人都有講到對大家的感受。

攝影：葉志明、陳順禎

首先梁朝偉就講到：「我一路都好佩服華仔，好欣賞佢嘅認真，第一次同佢合作《獵鷹》都一樣係咁。再次合作當然好開心，好愉快，其實都係同以前一模一樣，相信會係好好玩，都真係好期待，但目前未有同華仔有合拍嘅戲，不過今次文戲多過打戲，拍完《尚氣》之後冇點休息，去完上海宣傳再返嚟就同莊文強傾，一路都繼續工作。」

反而劉德華笑指：「其實我好想跟梁朝偉學滑水，有機會拍完戲就約個時間去學啦！劇本就係監製搵我，之後我一睇劇本就覺得對手應該係梁朝偉，問完真係，別無他選，原來真係佢。我哋角色都係亦敵亦友，亦正亦邪咁。」梁朝偉補充：「算係掉返轉，《無間道》嘅掉返轉。」唔想劇透嘅莊文強表示：「咩叫調返轉就你自己諗啦！」

更多現場照片