方皓玟被麥美恩拒絕做朋友 稱講吓笑叫對方唔使驚:我仲驚過你

方皓玟被麥美恩拒絕做朋友 稱講吓笑叫對方唔使驚:我仲驚過你
撰文:金秀玲
出版:更新:

方皓玟早前拍片回應網民負評時,期間有一個留言講到麥美恩,意思其實是指麥美恩的Threads,行文風格比方皓玟更「特別」,其Threads常以斷句方式發文,方皓玟誤以為對方講自己,截下其中一個「風都/吹得起/食多/啲嘢啦/唔/該」的留言,並說:「佢呢啲,詩人嚟㗎……『風都吹得起,食多啲嘢啦唔該』?咦佢係咪講我?我留言畀佢先,佢係咪講緊方皓玟?麥美恩,如果你講緊我,你同我單聲,我會回應你,唔使喺Threads度講。」麥美恩回覆:「不是」

有網民認為麥美恩發文風格仲「特別」過麥美恩,方皓玟即場用攝影師帳號留言畀對方。(IG@charmainefong)
有網民認為麥美恩發文風格仲「特別」過麥美恩,方皓玟即場用攝影師帳號留言畀對方。(IG@charmainefong)

事件見報後,麥美恩不止一次澄清及留言:「高抬貴手」,她極速在方皓玟的貼文再留言:「唔係啊。唔係啊。唔係你啊🙏🏻🙏🏻🙏🏻我已經5G衝浪回覆 Cam Man哥哥。多謝你幫我解釋番🙏🏻🙏🏻🙏🏻」方皓玟知道自己錯怪麥美恩後,就伸出友誼之手想跟她做朋友,但對方只說:「吓。我好怕羞㗎喎」就終結了對話,方皓玟受訪時解釋:「我都唔好意思,因為我無追開佢Threads,而家會追,我諗住同佢做friend,但佢怕咗我囉,佢唔受我。」

麥美恩只以一句「吓。我好怕羞㗎喎」回應方皓玟的做朋友邀請。(IG@charmainefong)
方皓玟承認自己錯怪了麥美恩,主動表示想跟對方做朋友。(資料圖片)

日前麥美恩受訪時被問是否拒絕跟方皓玟做朋友,她承認:「係,我有拒絕佢,我冇follow佢,我係怕醜。」她顯得非常尷尬,叫方皓玟不用道歉和不好意思,透露自己最初只是不知道如何反應和回應,當記者再問她是否願意跟方皓玟做朋友,她窒機說:「可唔可以有男仔追我我會開心啲?多謝你邀請,方皓玟,我問吓許文軒意見先,佢同佢熟啲。」明顯語帶抗拒,網民都覺得平日大情大性的麥美恩,今次的回應為何如似不大方,好奇是否別有內情。

麥美恩被記者問起是否願意跟方皓玟做朋友,不知為何顯得非常尷尬,連戲都唔交。(胡凱欣攝)

方皓玟其後轉發了麥美恩拒絕跟自己做朋友的報道,她再標註了麥美恩說:「Mayanne 其實你真係唔駛驚喎,我睇到依家仲驚過你呀🫣,邀請你做朋友好明顯係講笑㗎咋😎,傻豬唔好咁認真啦🧡」她再解釋當日留言的因由,指自己出於禮貌邀請對方做朋友,並說:「唔駛驚唔駛驚,我唔怕食檸檬㗎,做人唔使太認真嘅。做朋友都要講緣份嘅。」兩小時候她再留言補充,表示:「今次都真係好多謝 @mayannem 啊,我平時都好少主動識朋友嘅,今次佢嘅回覆都令我人生上咗重要嘅一課。我明白到自己食檸檬嘅能力原來係強過蔡辛強㗎,同埋以後提出識人真係要帶眼識人啊😂」

方皓玟難得主動交友卻慘食檸檬,但麥美恩的回應也令人感到奇怪。(IG@charmainefong)
方皓玟轉發了有關麥美恩回應拒絕跟自己做朋友的報道,叫對方唔使驚,也不用太認真。(IG@charmainefong)