眨吓眼又到《中年好聲音3》十強之戰。昨晚（20/04）播出一集由《聲夢》畢業生助力與《中3》生夥拍合作。雖然現時黃博、劉洋、張與辰三位成為三甲的呼聲最高，但其實一向都表現穩定的李金凱亦是比賽「黑馬」。

今晚他與TVB力捧歌手冼靖峰合唱鄭中基、張學友、許志安的《甲乙丙丁》，雖然並不是那種鬥志激昂的歌曲，但卻唱出了那種青春，輕快，「友共情」的味道，獲得評審好評兼93高分。

周國豐給予19分高分，他說：「我頭先好似睇緊《聲夢》，喺一個風和日麗嘅日子日裏面，你哋兩個揸住一部開篷車去享受。你哋享受之餘，我哋又好享受。我哋覺得唔會有咁多亮點嘅歌，可以令到我哋跟着節奏擺動身體，呢樣嘢梗係值高分啦。」張佳添表示，冼靖峰為演出做到錦上添花。「嗰下係神來之筆，兩個人用同一支咪，兩把聲都好入咪，雖然你哋冒咗險，但係你哋係成功。」