《中年好聲音3》今晚（27/04）進入9強之戰，是集以《改編歌之夜》做主題，9位參賽者施展渾身解數表演，相當精彩。「生命鬥士」李金凱以《歸來吧》一曲感動一眾評審，特別是肥媽更聽到哭成淚人。

李金凱表示，自己在年輕時已經歷了很多，包括親人、朋友離去等等。肥媽聞言又一邊流淚一邊分享：「我哋經歷得太多，真係㗎，以前啲電話簿都刪除咗好多，最慘係而家經常喺手機入面刪除，所以好似佢唱嘅叫大家歸來嘅時候，我自己嘅感受係特別大。」肥媽又表示，自己已經年老，兒孫長大後各自有家室，有時候就只是想與家人多見幾面。「我哋做老人家要學識放手，但係心裏面都掛住佢哋。」