五索誕五小孩公開餵人奶相　自認大細路感激小朋友包容

現年34歲的網紅「五索」鍾睿心（Rachel）與身家以百億計的66歲大生銀行主席馬清鏗爆出婚外情，兩人拍拖九年，育有4名子女。母親節前夕，五索罕曬五馬生的正面照，這次也是馬生的首次正式出現在五索的post。而昨日（11日）母親節，五索亦一反常態，一本正經地祝福所有媽媽母親節快樂。

五索貼出抱b照。(ig圖片)

五索寫道：「雖然我有五個小朋友，本人都似一個大細路禁😏最鍾意整蠱你哋，但你地人仔細細🧑‍🧑‍🧒‍🧒👧🏻👦個個都好包容我，容許我繼續同你地玩。溫柔一次咁大把：祝所有媽媽母親節快樂！除咗愛你嘅小朋友，千祈唔好忘記更加要愛錫自己💖」

她分享多張與孩子的合照，當中包括餵初生嬰兒人奶，見她在牀上溫柔地望實BB，一臉慈母樣，身邊還有兩友人陪伴左右。另外，還有五索仍未收身，穿上三點色泳衣抱BB相，與今日身材Fit爆的五索相比，實在有好大差距，網民紛紛讚她：「😮😮5索真係好努力減肥」、「平時一定係勁勁勁自律先可以有呢一個身材👍🏻👍🏻好勁」。