吳大強一門四傑 不覺得名成利就自爆無家用

撰文:林得懿
出版:更新:

吳大強憑《中年好聲音》而入行,73歲的他退休前是5星級酒店營運及發展副總裁,而家中四子亦各有成就,大仔為署理助理消防區長,二子為飛機師、三子吳偉豪現為TVB藝人、細仔則在澳洲修讀藥劑,可說是一門四傑。
吳大強日前接受港台節目《安哥同學會》訪問時,自爆早年曾報名藝員訓練班,但未被錄取;而當感到吳偉豪對演藝圈感興趣時,他親自為對方報名,看到他有今日的成就亦感到驕傲。問到如今4子各有成就,有否畀家用,吳大強即謂:「唔使畀我,畀媽咪得㗎啦,應該畀媽咪,佢功勞最高,屋企任何嘢都係佢,細個報咩班都係全靠佢,又要做嘢又要照顧4個小朋友。」 吳大強認為今時今日,自己只係名成但未到利就,最開心是參賽至入行,一直獲不少鼓勵。