叱咤2021｜鄭欣宜奪歌后兼「最喜愛女歌手」：你哋真係好鍾意我！
撰文：關穎賢
出版：更新：
《2021年度叱咤樂壇流行榜頒獎典禮》現正舉行中，大會頒發「叱咤樂壇女歌手」獎項，金獎由鄭欣宜（Joyce）奪得。對於出道10年首次奪得歌后殊榮，Joyce激動爆喊說：「其實我自己一路都好耿耿於懷，就係『歌手鄭欣宜』，唔知點解大家寫我都係藝人鄭欣宜 我為咗更多機會唱歌，我拍劇拍電影做綜藝，我連魔人布歐都做過，但都係藝人鄭欣宜，所以我開埋YouTube，我仲要攞多幾多自己出嚟先可以得到歌手鄭欣宜？唔緊要，我會繼續打開自己個窗，係你地畀無限耐性，希望大家今日開始叫我做香港歌手鄭欣宜。 」
+1
至於奪得銅獎的林欣彤就直言：「呢十一年好唔容易，可能大家見到幕前嘅我地，其實我地都係由普通變人名人，多謝所有困難，因為所有飛翔都係逆風而飛，但願我會發放更多善良，多謝大家。 」而銀獎的黃妍就直言：「呢個獎唔係我自己，因為我擁有全宇宙最好嘅團隊，因為呢個團隊我多咗好多勇氣去嘗試，多謝大家同我一行同行。 」