姜濤拍片祝福植物人小天瑜早日康復 承諾「我一定唱給你聽」
撰文：張國基
出版：更新：
周爸爸在小天瑜耳邊播放姜濤的《蒙著嘴說愛你》時，發現女兒眼珠轉動更有眨眼反應。（影片截圖）
去年10月，無綫（TVB）節目《東張西望》曾報道6歲小天瑜的醫療事故，原本活潑可愛的小天瑜疑因醫療失誤，慘變植物人。前日（14日）周爸爸更新facebook群組「天瑜醫療事故關注組」，他發現在天瑜耳邊播放姜濤@MIRROR的《蒙著嘴說愛你》時，天瑜眼珠轉動而且會畀反應眨眼，更哼了兩三下，令周爸爸相當感動。
姜濤為小天瑜及天瑜爸爸打氣，祝福天瑜早日康復。（資料圖片）
片段上載後有好多人支持天瑜，又召喚姜濤希望可以將訊息帶給姜濤，今日姜濤在社交平台祝福天瑜早日康復，並許下承諾會去探天瑜：「Halo，天瑜、天瑜爸爸，我睇咗你哋段片，我唔知係咪因為我嘅歌令天瑜好到啦，如果係嘅話我真係好開心。我唔知可以幫到你哋啲咩，但我好想錄段片同你哋講，一定要加油，因為我知道爸爸要照顧小朋友係好辛苦。所以天瑜要快啲好返，姜濤哥哥如果有時間，一定會過嚟探你，你一定要快啲好返，咁我就可以親口唱隻歌畀你聽，希望你哋加油！」
《東張》主持李旻芳亦有在片段留言：「天瑜妹妹好叻女！聽到姜濤哥哥嘅歌聲後，眼晴同頭仔有好明顯嘅郁動！好似想一齊唱咁！天瑜你要加油啊！見到你一天一天慢慢進步好開心」
姜濤今日在關注組留言，承諾會為小天瑜唱歌。
+5