家族榮耀｜李彩樺Full gear上陣如土豪 喺屋企都要拎手袋
撰文：鄺鈺瑩
出版：更新：
李彩樺喺劇中嫁入豪門之後，尤如行走的名牌廣告，感覺極為土豪。佢呢件LV睡衣，價值15,900元,配埋同系列嘅睡褲9,100元，發嘅夢應該會特別開心。
《家族榮耀》故事由甄芯（楊茜堯飾）、賈洛儀（李彩樺飾）兩位姊妹嫁入財閥馬家串起，之後馬家被查行賄，繼而展開一場豪門爭產戲碼。全劇集齊狗血劇情元素，包括妯娌之爭、叔嫂戀、婚外情、二奶女、股份爭奪戰、報仇、虛假姊妹情等。
李彩樺喺劇中所用嘅飾物，都頗為浮誇。
要爭產，行頭一定唔少得。尤其《家》作為熊黛林嫁入豪門後，首次復出拍劇、而李彩樺亦係久違了地參與港劇，她之前接受訪問時，曾透露「日日Full gear」上陣。其實單係睇佢喺劇中連睡衣都揀過價值萬元嘅LV ESCALE，就知唔係得個講字。喺全劇中，李彩樺嘅衣著打扮絕對係唔係名牌唔著上身，而手袋亦幾乎天天新款……先睇睇佢今個星期(1-5集）用咩袋。
+7