李施嬅免疫系統出事一度大細眼 病癒復工拍廣告調理身體準備生B
撰文：董欣琪
出版：更新：
李施嬅（Selena）在三月底透露因受免疫系統疾病困擾，導致眼睛出問題，出現「大細眼」的情况，影響幕前演出工作，她在出席TVB劇集《金宵大廈2》宣傳活動時，一度要戴眼鏡，不過經過連月來的治療，Selena終於病癒復工，拍攝一個健康食品廣告。Selena在接受TVB娛樂新聞台訪問時亦有交代自己的近況：「因為之前做咗個手術，可能係我太心急啦，根本嗰個問題唔喺度我就做咗個手術，咁所以而家可能要reverse返，還原返。嗰個係另一樣嘢，唔關我身體狀況事，我嘅身體狀況就係非常之好。」
李施嬅（Selena）在4月出席TVB劇集《金宵大廈2》宣傳活動時，一度要戴眼鏡。（資料圖片）
經過連月來的治療，Selena終於病癒復工，拍攝一個健康食品廣告。（YouTube影片截圖）
+5
Selena表示公開病況後，身邊不少好友都向她提供建議，希望她可以增強免疫力，但由於在治療期間，Selena使用了類固醇，難免產生副作用：「個腎呢，係好受影響，好大嘅勞損，將來如果想生小朋友都生唔到，咁所以好緊要，補返個腎。調理緊啦，呢個option都唔想抹殺呢個option嘅，都會希望將來有呢個option囉，我好想講順其自然嘅，但如果喺一刻嘅狀態呢，我要再補多啲先至可以順其自然到囉。」
+68