江嘉敏搣甩清純大派「福利圖」　性感絲絨緊身裙露低胸小蠻腰甜笑

TVB女星江嘉敏（Kaman）近年從清純可愛的風格，轉換成性感成熟風，出席公開活動更多次露出長腿，又頻頻在IＧ分享「福利圖」，穿緊身低胸露背晚裝示人，睇到粉絲大派心心眼。

Kaman自從與拍拖3年的電競高層男友Anthony分手後，遲遲未有新戀情，早前她在社交平台頻頻發佈收花相，惹來猜疑是否是追求者所送，而Kaman亦好識玩，對於收花一事從未透露由誰人送贈。近日，Kaman又再收花，仲大派「福利圖」，事關她身穿性感絲絨緊衣紅裙，露出性感小蠻腰，更不怕凍親心口仔，大方露出事業線對着鏡頭甜笑，與過往大喇喇的形象截然不同，而Kaman留言寫道：「第一次收啲咁可愛嘅花花，仲要每朵花花都係唔同樣嘅Snoopy，唔怪得阿妹咁主動幫我影相。」並透露「紮花花係最愛我嘅fans送嘅！」仲笑言凌晨post相，係想搏媽咪睇唔到唔會鬧佢。