方媛𡃁模時期寫真花絮出土　25歲終極性感大解放完全唔怯場

35歲嘅方媛（Moka）自從與郭富城結婚兼誕下大女Chantelle及細女Charlotte後，生活無憂，閒時拍片喺小紅書分享生活點滴以及護膚保養心得。近日有網民翻出方媛2012年任模特兒時，拍攝寫真《Shining Moka》嘅花絮片段，當時只得25歲嘅方媛雖然少少baby fat，但面對鏡頭時一啲都無怯場，無論高炒、低炒都應付自如，就算明知鏡頭焦點對正自己上圍，亦大方任影。

影片所見，方媛換上多套性感泳裝，其中一件黑白款式，deep v開到落胸部以下，鏡頭由上而下影時，雖然做足安全措施，但都可以話係春光無限，而呢個造型嘅照片最終亦成為寫真封面。