農曆新年初三視為赤口，傳統認為人與人之間會較多爭拗，而作為「最強小三」（或 最強二奶）的五索鍾睿心（Rachel），亦應應節，日前就同網民「開年」。事緣她在threads上拍片分享回應網民，表示《絲打圍爐》播出後收到「史無前例」地多的留言攻擊，她說：「話佢哋做乜搵我做嘉賓，憑乜搵我做嘉賓。」之後她就相當自豪地說：「因為命，命好咪做到嘉賓囉。」

她又逐點反駁，指有網民鬧她「搏上位」，其實她由始至終只接受過一間媒體訪問。她又說，有很多YouTuber拍片分析她以圖「搏流量」，但其實她自己只是憑心情做事。「你哋唔使分析，我都唔知自己做緊乜，單純係睇心情。如果嗰日好想搵人鬧咪鬧，點解我上《絲打圍爐》，因為單純我鍾意個節目囉。」

五索鍾睿心又解釋，為什麼會無視網民的留言：「係因為我真係好忙，唔得閒理啲haters，再加上我住得咁高，其實大部分意見都聽唔到㗎啦。你哋喺下面嘈嘈嘈嘈嘈，我一樣過得咁好啦，食得咁好瞓得咁好。」