文在寅仁川機場2航接見宋仲基、金妍兒？ 追韓星去旅行咪行錯！
撰文：沈洛嘉
出版：更新：
韓國今日有咩特別事，竟然出動總統文在寅、宋宋cp的宋仲基同「冰上精靈」金妍兒？而呢件事仲係同一眾會去韓國旅行、追星嘅韓迷有關？原來仁川機場2號客運大樓今日開幕喇！而文在寅同宋仲基，更即場試用自助辦理服務添！這個2號客運大樓將會喺1月18日正式開放營運，所以即將會去韓國旅行嘅你，就要留心自己要去1定2航上機喇！
韓國總統文在寅、宋仲基同金妍兒，今日為韓國仁川機場2號客運大樓開幕現身。（網上圖片）
+9
據知韓國仁川機場2號客運大樓航被稱為智能機場，其登機、托運行李等手續都可以自助辦理，大大減低旅客喺韓國機場排隊等待嘅時間。此外，仁川機場2航比起原有的1航離首爾市區更近，大大縮短由機場去市區嘅時間。不過目前使用2號客運大樓嘅航空公司只係得4間，包括：大韓航空、達美航空、法國航空同荷蘭皇家航空公司。如果唔係幫襯呢4間航空公司嘅話，就要去返舊嘅1號客運大樓辦理登機手續喇！雖然1航同2航有免費接駁巴士穿梭，但都記住唔好去錯啊！特別係諗住為韓星送機同接機嘅粉絲們，出發前記住check清楚航班，去錯客運大樓會見唔到韓星㗎！
韓國仁川機場新的2號客運大樓，有智能機場之稱。（網上圖片）
《屍殺列車》孔劉同鄭有美結婚？ 婚禮場地同宋仲基宋慧喬一樣！
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/