喬寶寶離巢轉戰電影界接兩戲 暫無打算回歸無綫：好馬不吃回頭草
撰文：吳子生
出版：更新：
喬寶寶今日（23/11）出席在尖沙咀舉行的電影《食人狂魔》發佈會。喬寶寶透露手頭上有兩套電影將會參演：「呢部係其中一部，呢套嘅角色係演一個成日撞板嘅差人，當中都有啲驚嚇場面情節，我就同導演講你搵我做已經夠驚嚇，哈哈！」（會否要求導演加插情慾戲份？）喬寶寶笑言：「唔會啦！費事啲觀眾睇完唔開心又反胃呀，影響市容，哈哈！」
喬寶寶表示沒有後悔加入娛樂圈。（葉志明攝）
提到與無綫約滿不獲續約，忍痛結束13年賓主關係，喬寶寶直認非常傷心又難過：「其實係一間公司做咗超過十年時間，真係好難得，當年喺懲教做咗16年離開，感覺一樣都好唔捨得，其實我係呢4年間，不停向無綫敲門，要求佢哋畀啲嘢我做吓，不論客串角色都好，我都冇所謂，但被佢哋投閒置散，感覺好唔受佢哋尊重，話晒做咗咁多年，無功都有勞呀，其實冇劇集畀我拍，都可以畀綜藝節目我過下癮拍下呀，但結果係零，咁樣真係影響到我生計。」（假如無綫再搵你續約會否考慮？）喬寶寶斬釘截鐵話：「好馬不吃回頭草。」
喬寶寶表示回想起初入行時，工作量好像排山倒海一樣忙過不停。（葉志明攝）