張學友患新冠取消上海個唱退票賠機票住宿 呢位重份量歌手有嘢講
撰文:崔力生
出版:更新:
歌神張學友因感染新冠病毒,故取消3月8日至10日在上海舉行的三場《張學友60+巡迴演唱會》,主辦單位日前於微博發出延期公告及補償公告,在公告發布後,粉絲們和不少網民都激讚張學友有承擔,處事細心又周到,是模範藝人,不愧是歌神。
當中包括受影響場數的觀眾可選擇退票,上海以外地區前來看演唱會的觀眾可憑相關單據報銷機票、火車票及酒店住宿費用。而補償費用標準是火車票實報實銷,國內機票賠償不高於2000元人民幣(約2175港元);國際機票不高於5000元人民幣(約5439港元),再加上海酒店每晚費用不高於800元人民幣(約870港元)。
而肥媽(Maria Cordero)近日也透過其社交平台,發表了自己對張學友今次處理手法的看法。肥媽在片段中七情上面,講得非常肉緊,她說:「佢真係好惜粉絲呀!如果你病到要入醫院了,咁你根本都冇可能開到啦。我諗佢唔係淨係冇聲,佢病得好緊要,佢唔知自己幾時可以開,佢仲要賠返錢和機票等費用,我覺得佢好大方囉!」
有人問是否張學友本人賠錢?肥媽好肯定地說:「梗係佢賠啦!你做生意會唔會賠吖?你傻㗎咩!所以(張學友)好有責任心不特止,佢真係好錫粉絲,因為佢大可以講,大家留返票尾,我下次開演唱會嘅時候,再補返一場畀你哋,但佢今次係,唔好了,我費事攞咗你哋(粉絲)嘅錢先,我直情係賠返畀你哋兼啲酒店、機票(費用),呢個人真係冇得講,好人到咁樣!因為你錫粉絲,粉絲仲更加錫你。」
網民亦大讚:「學友真的好真誠好善良」、「好喜歡好喜歡好喜歡張學友」、「真的很真誠愛粉絲」、「歌神沒人可以黑的了吧這人品」及「超級愛他,他真的各方面都很好」等。
+18