古天樂、田啟文、蘇玉華、余香凝、衛詩雅、陳家樂等人今晚出席香港電影工作者總會春茗，身為會長嘅古天樂一早到場打點。他接受訪問時透露近期頻頻參加春茗：「前日導演會春茗，我食到第二道菜已經無食，因為係咁過檯傾嘢，所以春茗係有助減肥。」

古天樂早前在泰國與YouTuber混血肥仔拍攝旅遊節目，除去當地超市，又透露早已戒掉收藏玩具習慣，亦在節目中露出罕見嘅笑容。「我喺嗰邊做嘢，佢又識我，咁同佢拍吓啦。我覺得了解下年輕一輩YouTuber節目形式係點、製作過程係點。（肥仔話睇到你另一面）我不嬲都係咁，同埋我唔會無厘頭傻笑，訪問我都有講盡量保持情緒穩定，要做到就係無咩反應，但我覺得同佢拍都好開心。」而戒收藏玩具一事，古天樂話已經發生十年，但其實一直有「收留」電影道具，他更表示：「總之唔好嘥錢買，我覺得有就可以。」