【深宮計】麥玲玲首演古裝劇　勇闖橫店嗌辛苦：廿幾度仲要無冷氣

麥玲玲繼年頭的《親親我好媽》之後，近日又接拍了無綫的重頭劇《宮心計2·深宮計》，這一套是她的第四部無綫劇集。雖然只是客串性質，不過都十分認真無「揸流灘」，看她在大熱天時都全套古裝上陣，又留心聽梅小青從旁的悉心指導，絕對沒有因為自己的身份和戲份的多少而hea做，這一種精神不就是專業嗎？

《香港01》記者得知玲玲有份參與該劇，立即致電還在橫店的她做訪問，玲玲指今次雖然是客串性質，但都拍得好開心，她說：「今次真係好好玩，而且小青姐對我好好，佢無造型、化妝、對白同埋點演繹都有教我，因為我第一次做古裝其實都未必太熟悉。你知古裝啲對白幾咁麻煩，全都部四字成語咁樣彈出嚟，中間又唔似現代咁可以加啲關連詞上去，好容易記錯架。小青姐唔俾我地改對白，一定要跟足劇本，不過就從來都唔會飛紙仔，仲會教埋你點樣去表達。」玲玲還說估不到拍古裝出來的效果會那麼好，因為她本身戴眼鏡，而且面形較大，但出到來的相片有很多粉絲都讚靚。

今次遠赴橫店片場拍攝，其實都有辛酸的故事，玲玲指她現在的入住的酒店夜晚是沒有冷氣的，她說：「我聽過唔少藝人朋友講橫店啲嘢，所以我都已經特別安排范冰冰住過嗰間，心諗無死喇，我仲諗住book返佢住嗰間房，但係已經俾人book咗三個月。講真，呢度夜晚都仲係好熱，有成27、28度，但係佢個冷氣夜晚7點到第二朝10點都係無開，我地嗰陣以為點解個溫度較極都係咁熱，原來根本無開到。仲有我平時有朝頭早起身跑步嘅習慣，咁我已經好小心早一晚打俾酒店問吓佢個健室身究竟幾點開，咁佢地話7點，其實都已經比起其他酒店晏，不過唔緊要喇。咁我第二朝7點落到去，健身室度門都依然係鎖住咗，咁我又打俾酒店問，佢地話因為個同事未返工所以未開喎，咁我又問幾點佢先返到呀，佢居然答我10點幾。我就話喺度住三、四日，仲要已經揀最好嘅酒店，真係想像唔到其他同事要留喺度成個月會係點。」未能進入健身室，玲玲唯有冒住微雨跑街，其實都幾慘。