JW（王灝兒）與富二代男友葉韋彤（Tarzan）拍拖超過6年，但早前她突然宣布已分手，回復單身，消息一出即掀起網民熱議，曾揚言與破產男友「講心唔講金」的她更被網民揶揄「只能共富貴，不能共患難」，其後JW在IG限時動態轉發了一段影片，暗指外界對她「一知半解」，疑似想藉此反擊「拜金論」。而JW公開分訊後寄情工作，除了擔任國際知名音樂劇《仙樂飄飄處處聞》（Sound of Music）客席演員之外，日前她就現身廣州宣傳演唱會，不少歌迷都有幸與偶像合照，更開心分享靚相。

片中所見，雖然當日落雨，但一班粉絲熱情不減，更特別準備了Banner迎接JW，而JW一落車就同現場粉絲打招呼，又大讚Banner製作精美，多謝一班Fans：「好靚喎呢個，演唱會攞過去呀。多謝，多謝你哋嚟呀，Hello hello，好多新面孔呀，你哋好呀！」之後她又同Fans傾偈，而且全程笑容滿面，心情大靚，似乎完全未有被分訊影響。