TVB節目《中年好聲音3》前日（20日）開始進行海選，昨日（21日）下午開始了第二輪的面試，由肥媽、張佳添及海兒面試參賽者，而《中年好聲音2》的亞軍譚輝智堂家姐譚旨經亦有參與今次的海選。

TVB娛樂新聞台的直播中可以見到譚輝智堂家姐譚旨經亦有份參加面試，她指是得到堂弟譚輝智的鼓勵及家人支持她參賽：「佢哋叫我一定要嚟參加呢個比賽，佢同我講如果你唔參加呢個比賽，你一定會後悔。所以我用行動嚟到回應，佢哋對我咁大嘅支持。」

面試時譚旨經唱了張惠妹的《藍天》，但唱了半首就被叮，評判張佳添說她很有感情：「唱歌好有mood，要改善嘅地方係你練多啲你個內口腔，撐得未夠靚，同埋擅用多啲個鼻腔，你個共鳴變化會再好啲，同埋個音色會再靚啲。」海兒就覺得她有點走調，肥媽與海兒都發現她唱歌時會經常縮膊，繼而影響了演出，更叫她戒掉縮膊的小習慣。事後譚旨經表示唱了半首歌就被叮感到愕然，因為她聽說堂弟譚輝智是唱完整首歌。