明星撞樣例子何其多，有時未必是整容整埋同一個樣，而是天生樣子有點相像，有何出奇？台灣代表有阮經天與明道，香港有方皓玟同官恩娜，最出名當然是許志安同杜德偉，撞到連路人都認錯。不過這些例子都是別人發掘出來的，好少是當時人自己發現。

不過今日就有位型男王宗堯發現自己同第二個人撞樣，仲要一樣就撞兩個，梅開二度！事緣他在其Facebook發post，說：「Benji 姜文杰王子發現咗我同窪塚洋介（Kubozuka Yousuke）都係高雄叔嘅私生子」然後就放了兩位人兄和自己的照片出來，驟眼看下去男神王宗堯的確跟日本男神窪塚洋介有幾分相似，窪塚是日本電影金像獎史上最年輕的男主角獎獲得者，宗堯做戲都有幾份天份，果然男神做戲都係好有實力。加埋前TVB演員高雄也是資深的好戲派，好戲到連何里活都有邀請他拍戲，包括《轟天炮4》、《火星任務》，雖然而家已經年老，不過都依然係型佬級別，所以佢地三個除了似樣，還一樣係好戲派男神！