38歲《香港先生》出身的黃長興，最近在微博上載了一張大隻相，６舊腹肌盡現，就算旁邊站著新晉小生郭子豪，都不太輸蝕，原來變了自由身的他，工作機會多了，所以想操fit自己，他接受《香港01》訪問時說：「啲腹肌就係化妝阿姐幫我加咗陰影，不過我都減咗１３磅，因為轉咗自由身，好似多咗少少幕前機會，首先做好自己先啦，以前選香港先生嗰腦一片空白，唔知自己做咩咁，而家成熟咗，有咗家庭同小朋友，知道自己開始做咩，為咗自己減肥，想做一個fit D嘅爸爸。」

雖然６舊腹肌有少少後期加工，不過黃長興都真係瘦了很多，亦因為想做個fit爸爸，黃長興４月開始節食和做運動，他說：「好在開頭有兩位朋友幫手，我主要係做HIIT(High Intensity Interval Training)再加每日跑半個鐘啦，餐單就由朋友幫安排，好似撞啱之前開工，放宵夜我都唔敢食嘢，但最後都俾演員捉咗去，我唯有食無皮豉油雞脾囉。澱粉質就一定唔食㗎喇。」