王智騫（Martin）與范麒智（Kenji）近年以男男CP上陣，俘虜大批粉絲，終於成功殺出新血路！兩人昨日（15日）出席品牌活動時，透露即將孖住赴台拍攝BL劇，並在劇中飾演情侶，有親熱戲之餘，更會有海量裸露鏡頭，今次Fans一定大飽眼福。

Martin與Kenji雖然經常拍住上出活動，不過在同劇演對手戲還是第一次，Kenji指：「今次喺劇同Martin飾演一對情侶，講大學生初戀，畫面上都有錫錫等親熱戲，但尺度唔算好誇張。」

被問到兩人要咀嘴可有尷尬？Kenji指跟Martin玩遊戲時已咀過，相信不會太尷尬，反而Martin認為尷尬位在於對白上，Martin說：「之前排過戲，有啲鬧交、感情對話反而更尷尬，因為我哋平時對話好少會咁deep talk。」Martin續說，在劇中他會有床戲，是入行以來首次，心情既緊張又興奮，至於床戲的對手是誰？他卻大賣關子。二人還透露在劇中有海量的裸露鏡頭，現時正努力操肌，期待以最Fit身型上陣。