《新城勁爆頒獎禮2024》今日（28日）喺會展舉行。大會今年共頒67個獎，並由以往嘅晚上改上下午3時開始。每位入場觀眾可獲一袋福袋，內有4瓶維他命、300元內地牙科優惠劵（診所設於內地、而且只限種植牙）。

頒獎禮前夕，首席營運總監馬浚偉現身後台與歌手、客戶打招呼，心情大好。現場所見，喺無MIRROR、華納歌手情況下，山頂有大量吉位，入場率約6成。開場時，一眾歌手齊齊到台前影大合照，但Jeffrey 、泳兒、Gin Lee、林家謙等大星一直被卡在後排，台下唔少粉絲衝到台前，場面要幾亂有亂。