現年34歲的陳婉衡（Alycia）多年來因魔鬼身材和「蜜桃臀」而備受關注，不過近年在TVB工作量大減，早前更出Post暗示離巢！ 日前，陳婉衡現身由潘梓鋒、張智軒和陳樹鵬網台「異騷show」的節目《潮流King》中正式承認離巢：「啱啱（開心呀？）我覺得OK，完咗嗰吓係有啲emotional（傷感），（幾多年呀？）12年啦！」

離開工作12年的地方，陳婉衡承認好傷感：「有啲眼濕濕，我知嗰日係我Last Day，我男朋友就去接我，佢買咗紮花，好傷感！嗰10幾年有好有唔好，有好多得著，識到好多朋友同去咗好多旅行。喺呢間公司識到Jessica（簡淑兒），呢12年已經值返。我離開呢間公司冇唔好嘅感覺，拍《3日2夜》係好開心。」講到未來的工作計劃，陳婉衡稱會主力做健身教練以及KOL工作。