無綫小花黃瀅仴（Verena）今日（13/1）現身灣仔出席無綫熱播劇集《奔跑吧！勇敢的女人們》宣傳活動。提到她在劇中性感短裙露腰露膊打扮應有盡有相當吸睛，獲不少網民大讚仙氣女神，入屋度可想而知。

Verena接受《香港01》訪問時表示：「其實呢套劇算係我第一部比較多戲份嘅劇，當中係會有好多做作嘅表情，睇返自己嘅演出，都發覺自己原來都有做喜劇嘅天份，而屋企人睇過之後，我係未聽過媽咪會讚我得意，連佢都讚我得意，咁即係都令佢哋都滿意嘅。而我都發現IG follower人數都有上升，咁所以都好開心，而我都有聽到可能因為呢個角色所以多咗關注，咁所以對我嚟講係好難得。」