阮浩棕入行多年，終憑《異空感應》中「Duncan」一角成功入屋。近日他接受《安哥同學會》訪問時，多次感謝Amy姐（王心慰）令自己有機會由內地返香港拍劇，由《我家無難事》、《隱門》到《異空感應》，每個角色都有不同層次的挑戰，令他經驗得以累積。

事業有起色，阮浩棕坦承2023年連續3套播出時，確有「飄」的感覺。「當時係未識面對成功，保持唔到踏實心態。2024年沉澱咗自己，我唔知自己係唔敢有開心嘅感覺，反而有感恩嘅心，劇集趕得切播出畀大家睇。」

被主持人以「有錢仔」形容嘅阮浩棕，被問到工作機會大增後，生活是否得到改變，他說仍在投資當中，「經濟狀況還好，夠使。（有無畀家用？）屋企能夠幫到手嘅地方都一定會用，係咪定期畀家用？好羞恥咁講係未做到。」