Twins出道多年，一向是圈中出名的好姊妹，友誼永固，但近日二人身材卻各走極端，阿嬌鍾欣潼身材暴脹，雖然極力減肥一度瘦番少少，可惜也逃不過復胖的命運，反觀阿Sa蔡卓妍就一直瘦底，似乎跟肥胖沾不上邊。其實世界上邊有人唔會肥，阿Sa只係在背後努力做gym，甚至練到條頸現晒青筋都唔停手，才有今天的凍齡女神，網民還叫她帶上阿嬌一齊操嘢，要瘦一齊瘦。

阿嬌曾被封為零死角美女，但自從暴脹後，樣子確是「沒有角」兼非常圓潤，早前阿嬌和阿Sa在新加坡演唱會上，跳唱《女人味》，二人身材難免被網民比較，指阿嬌超級圓潤及有雙下巴，由頭肥到落腳，而阿Sa則瘦足多年，仍然係咁靚。不過阿Sa並非天生麗質，食極唔肥，近日她做gym的視頻曝光，舉啞鈴做深蹲，又喪做坐姿划船練背肌，仲見到她出盡力甚至條頸現晒青筋，可知她對身材管理非常嚴格，網民佩服讚好之外，還紛紛提議她帶埋好姊妹阿嬌一齊操嘢，一起保持健美體態。