劇集《賭城群英會》快將到尾聲，緊接著的是重頭劇《同盟》，這部戲除了有《城寨英雄》兩個大熱情侶陳展鵬、胡定欣擔大旗之外，還有由亞視過檔的鮑起靜加入，鮑姐透露今次是由展鵬穿針引線邀請她加盟，今次這部有陳展鵬、鮑起靜、江美儀，亞視味相當濃！

鮑姐笑言這部戲拿了她很多個「第一次」，第一次加盟TVB拍劇；第一次拍這麼多動作戲份的劇；第一次拍如此霸氣的角色，戲裡她是一個大姐頭，面對多個槍戰場口，很多時候她也要親身上陣開槍，她說：「今次係做幫派大家姐，完全同我以前做嗰啲慈母好唔同，大家可以見到一個全新嘅鮑起靜，以前都有試過拍動作戲，但就冇咁次咁勁，我轆過地下再起返身開槍，真係要鍛鍊好過體力先可以做到。」

昨晚大台宣傳新劇播出拍攝時的花絮，原來今年已經68歲的鮑姐為了讓觀眾看逼真場面，很多動作位都親自落場，還與一眾演員一起接受特訓，鏡頭上她不停被要求轆地再起身，重覆好多次，鮑姐訓練完之後說：「我畀你訓練到第日唔係人哋叫我打，叫我放槍。」可能因為太累的關係，她好像有點口齒不清，她說：「呢個令小姐唔係自己去打人，好多時候要走，要避，監制要求好高，就算避都要避得有型。」看到鮑姐這樣落力演出，大家下禮拜記得捧場支持她！

對於拍《同盟》如此辛苦，鮑姐坦言的確不易捱，她接受《香港01》訪問時表示：「拍呢套劇的確係好辛苦，第一因為戲份多啦，第二我未做過咁嘅角色所以好大挑戰啦，第三對體力上真係一個好大既考驗啦，因為工作時間長啦，開廠時間都係通宵啦，有時甚至拍到朝早放早餐跟住再拍，體力支出都幾大，第四就係動作，我好少在劇入面有好多動作，今次揸槍又要去訓練，就先跑原來都唔易，家陣踎低起身都好有難度！」

雖然好辛苦，不過鮑姐就話自己好幸運：「作為演員咩都要試，咩都要挑戰，最緊要係個劇本好，劇本係最大嘅吸引，我tvb第一套劇就遇到咁好嘅監製同一班咁好啪嘅導演,我覺得自己真係幸運！」從鮑姐身上，真係睇到咩叫專業呀！