霍汶希（Mani）與旗下藝人關係要好，今日她在小紅書公開關智斌、容祖兒、蔡卓妍過年到其家中拜年片段，意外曝光豪宅之餘，更曝光13歲愛女Hanni又再暴風成長。

影片所見，Mani豪宅屬一梯一伙，就算門外擺滿鞋都不影響，豪宅客廳除有10人大圓檯外，再擺多張麻雀檯亦綽綽有餘，翻查資料，Mani於2017年以7280萬入手山頂加列山道瑞燕大廈約2301方呎的單位，當時Mani表示是樓換樓。

在Mani分享的影片中，Kenny少稱唔好意思再逗利是，誠意十足嘅佢向Mani愛女Hanni派利是，不過當佢一見到Hanni時都忍唔住講句「13歲已經有我咁高」，繼而被安排度高，結果發現二人身高（180CM） 相約，令Kenny一額汗「我發現我係全公司最矮男藝人」，十分好笑。