前兒童節目主持人唐韋琪（Vikki)到電視台參與音樂節目《流行經典50年》，她表示已經差不多8年沒回來，今晚是兒歌之夜，重新回來這個舞台令她回憶處處，「好似返咗兒歌頒獎禮嗰個時代咁，見返陳浩民，記得嗰陣同佢一齊唱兒歌，回憶真係返晒嚟。」

離開TVB之後，Vikki開了才藝學校，未來還會擴充，她14、15年還自掏腰包舉辦兒歌頒獎禮，離開大台的她似乎發展更加好，她說：「咁的確係嘅，始終呢度要簽約有好多限制，有時人哋搵我做騷都要推，離開咗之後機會多咗，係好啲嘅。」

提到前同事蓋世寶合約快將結束，Vikki直言對她很有信心：「我覺得佢唔會有問題，佢真係好掂架，上兩個禮拜我有同佢拍微電影，佢狀態好好，一啲都唔擔心佢，佢好捱得，唔會有怨言。」