《中年好聲音3》評審之一伍仲衡，疑搶先簽約《校園好聲音-唱響中國》大學生歌唱比賽冠軍洪心怡，而激嬲TVB，遭踢出評審團。伍仲衡近日亮相YouTube頻道「異騷show」，節目中被問到會否因不能亮相TVB 而感可惜，他說：「其實我賺咗，本來都無諗要喺電視台，做人要支足。」伍仲衡又強調自己從來無與人不和，又話「簽得就預咗」，又不覺得事件被鬧大。「大公司有大公司好，細公司有細公司好，你都離開咗大公司。」

被指離開大公司嘅主持潘梓鋒隨即爆出一句：「所以總結一句『方丈好小氣』」，42歲嘅潘梓鋒曾是《東張西望》主持，2021年涉嫌打鬥被捕，其後雖繼續留在TVB，但幾乎零工作，去年潘梓鋒有份主演嘅電影《爭霸》開鏡，TVB娛樂新聞台有派員到場採訪，但播出時，對潘梓鋒隻字不提。