陳佩思（Pancy）有份投資的餐廳今日元宵節（12日）開幕，林寶玉到場祝賀，透露二人早年曾一齊拍廣告。陳佩思為造夢，飛泰國學法國菜，令廚藝有限公司的林寶玉十分羨慕。「我試過為討好男友，連續七日每餐唔同菜式，但做完呢次就唔再做，因為佢之後係咁要求我煮，但我係睇食譜，所以唔再班門弄斧。」

林寶玉認為擇偶條件一定要包含烹飪，但由於自己比較事業型，所以就算有情飲水飽都可以。情人節將至，單身的林寶玉大呻唏噓，因為完全無人約，最後決定參加公司晚宴。「啲人唔係約我正日，有啲怪怪哋，佢哋解釋係因為我正日多人約。（自己去爭取？）最近有睇風水，師傅有話出多啲街，所以我先打去約人，結果得公司晚宴。」問到破冰後，新年有否搵阿儀（薛影儀）拜年，林寶玉即謂：「我哋結過冰咩？拜年真係無，唔知嚿冰點呢？可能仲喺雪櫃。」