亞視舊星匯集真係永恆　江美儀：一有人「吹雞」就會出嚟！

亞視執粒超過一年，雖然已經在無綫借屍還魂，因為有很多亞視藝人已經過檔，不過都有很多曾經熟悉的面孔大家都很久不見。相信當年最為人熟知的亞視人物一定是陳啟泰，他主持的《百萬富翁》成為一時佳話，收視率更力壓無綫節目。又例如何慕詩是當時亞視力捧的女主持人，曾經做過六合彩攪珠現場的主持，這些人近日又出現，皆因一個飯局！

無錯，這個飯局就是一班前亞視藝人聚舊的飯局，黃璦瑤在微博上post了幾張相，相中有不少舊台的藝員，包括：@江美儀、饒珮君、何慕詩、陳欣欣、陳啓泰、袁文傑、林子博、TVB林詠渝、蔡國威Frankie和林文華等等。

那麼多舊人聚集，咪要約好耐？《香港01》訪問了其中一位成員袁文傑，他說：「其實都約咗一段時間架喇，其實經常都會有呢啲聚會，我哋有個『A記同學會』，每年都會出嚟一次，有成幾百人架。其實喺呢啲相嗰日之前，我哋都同一大班以前亞視嘅幕後人員食咗餐飯，不過無擺相出嚟咁解。（唔見其他過檔無綫嘅同事？）咁我哋今次都係圍內食，一班人總有啲係親密啲嘅。（有無人想去無綫無發展？）咁又無聽過喎，其實而家大家都各有各發展，好似何慕詩去咗做主持，珮君就嫁咗人，黃璦瑤就去咗加拿大發展。」而另一位局中人江美儀則說：「我哋雖然唔會定時約會，但一有人『吹雞』就會出嚟㗎啦。主要都係講下大家近況啦，其他同事近況噤啦」其實大家都會懷念他們過去帶給觀眾的歡樂，希望將來還會有機會看他們的演出喇！