黎諾懿入屋狂接廣告 神之馬壯：賺幾多小春雞就用返幾多
撰文：溫菁莉
出版：更新：
今年4月榮升做爸爸嘅黎諾懿，仔仔小春雞可以話係勁好腳頭，因為黎諾懿短短幾個月就已經接下8個廣告，而在上月中才拍完嘅TVB劇集《燦爛的外母》仲安排在下星期一出街，真係唔係有咁多演員係咁好彩！黎諾懿接受《香港01》時就表示，「係小春雞出生前後一個月，的確係多了好多工作，雖然收入多咗，但小春雞就幫我用返咁多㗎!」
黎諾懿做爸爸之後，日日都上載仔仔小春雞嘅照片到網上，真係有仔萬事足！
對於今次《燦爛的外母》一拍完就播，黎諾懿話韜家燕姐嘅光！
黎諾懿透露未做爸爸之前代言嘅廣告大部分都走年輕路線，「小春雞出生後就接多了較家庭嘅代言，可能做爸爸嗰人就成熟味重，代言都係行溫馨路線。但都好嘅，好多代言嘅產品而家都有得用。」而小春雞出生後，黎諾懿幾乎每日都上載仔仔嘅可愛短片到網上，問到會唔會揾埋小春雞一齊亮相廣告，令收入可以更多？黎諾懿笑言就不會，「除非嗰酬勞真係好可觀喇，我係想儘量唔好有屋企人參與，我都想雞仔成長係快樂嘅童年。當佢再大少少大概9個月之後就唔會出現咁多係社交平台，唔好因為係爸爸係呢行影響到佢成長。」其實自2014年黎諾懿迎娶太太李潔瑩，就被外界稱呼為「千億駙馬」，今次成為廣告界新寵可算是爭一口，諾懿就話一向都是靠自己，「可能有好多人唔信，我一直都係靠自己，外界對於太太嘅家底我可以話有排都追不上。」
黎諾懿在新劇中飾演家燕姐嘅女婿。
其後提到在上月底才拍完的與薛家燕及林嘉華合作的TVB劇集《燦爛的外母》史無前例咁快出街(即下星期一)，黎諾懿都話幕後工作人員日日在趕工，「我知道佢地日日都工作好多嗰鐘，而且公司又想在暑假前播返套家庭式嘅喜劇，都係嗰句韜家燕姐嘅光喇！」