王馨平湯寶如齊人唔唱《美少女戰士》 周慧敏:揀咗《自作多情》

撰文:李妍樺
出版:更新:

前兩天宣布明年開紅館騷的周慧敏(Vivian),今日到電視城進行《流行經典50年》錄影,同場又有王馨平和湯寶如,之前寶麗金三小花三缺一,獨欠Vivian一個 ,難道今次齊人會補唱《美少女戰士》?她坦言自己也很想唱這首歌:「今日唔唱喇,唱《自作多情》,係節目嗰邊揀嘅,(會唔會放喺演唱會度唱?)未諗啊,但如果再唱,我希望畀到大家係最完美嘅版本。」

三個咁齊人都唔唱《美少女戰士》?(梁碧玲攝)

Vivian一踏入電視城一廠就大喊一句:「一廠真係好凍!」,她和王馨平、湯寶如一樣身穿黑色小洋裝,Vivian 笑言大家事前沒有商量過:「真係心有靈犀咁,冇夾啊,我本身想著件冷衫嚟,上次嚟一廠做汪阿姐凍到我病咗,真係病咗!今次好啲,有遮住個膊頭。」Vivian 為了準備演唱會,最近密密做運動操Fit自己,她已經這麼苗條了,還要減肥嗎?她回答道:「我唔想再瘦喇,做運動係想令自己強壯啲,我個人好怕凍,希望可以令自己健康去準備好個演唱會。」

今晚Vivian 將會唱《自作多情》。(梁碧玲攝)
Vivian 真係好Fit!(梁碧玲攝)