香港學生從小辛苦過五斬六將就是為了上大學，辛苦過後當然要放肆一下，有傳入U必做五件事－「上莊、住Hall、走堂、拍拖、兼職」，其實在這些事之前，還有一個很重要的「成人禮」，就是大學O camp（迎新營），因為你要把握時間在開學前識新朋友組隊做Group project，遲了埋堆分分鐘成為「孤兒」。大學的O camp多次被傳出玩法意淫，今集《#後生仔傾下偈》就找來一班KOL分享各款另類的O camp。

10A港姐入讀劍橋大學的麥明詩當然也分享一下，到底英國的O camp跟香港的有什麼分別呢？她解釋指：「佢哋唔係叫O camp囉好明顯，佢哋成個禮拜叫Freshers Week（新生周），就每晚都有Party。」而劍橋的入會儀式亦相當前衛，相信大家都未必聽過，「新生要經歷一啲嘢先可以被接納，即係啲核特嘢，佢哋主要都係同酒有好大相關，特別係有啲Drinking Society，佢哋有個叫「14 Course Meal」，食14道菜，每一道菜都會有支酒，你要清咗佢！」

十四支酒都相當嚇人，但原來並不是主角，主角在後頭，她接著道：「14道菜並唔係你平時食嗰啲嘢，比如第一道就係有杯水同埋有隻生嘅金魚，你要吞落去，都未最變態，之後又會有生嘅魷魚，佢西式嗰啲唔係刺身，去到中間你要嘔返嗰隻金魚出嚟，但如果你嘔出嚟嘅金魚係生嘅，你就可以skip咗之後嗰幾道菜。」光聽起來就覺得相當噁心，但幸好麥明詩從來沒有試過吞金魚，她笑言不需要為了埋堆而硬參與這類O camp讓自己受苦，O camp挑一些輕鬆點就可以了。