內地說唱節目《中國有嘻哈》雖然已經播完，但是迴響之大，為內地帶起強烈的Hip Hop風潮。其中有「Hip Hop Man」之稱的MC Jin（歐陽靖），收穫甚豐。在內地爆紅，計劃在內地舉行巡唱。除此之外，他回到香港，做過大大小小的訪問，又答應會在香港busking，叫好多fans都好期待。

早前MC Jin就回到「娘家」TVB，接受深宵吹水節目《兄弟幫》訪問，再細述數個月前參加《中國有嘻哈》的經過。MC Jin透露最初節目組找他時，充滿許多黑人問號：「佢哋（節目組）未必想我做教練，咁我問係咪做主持人，佢哋又話未必有主持人。我心諗，你究竟想我做咩？」不過，MC Jin最初都有其他想法，稍為覺得如果做導師都不夠好玩：「就算佢哋邀請我做導師、評委同教練，我隨時未必會答應演出。」所以有得做學員之下，MC Jin最後選擇幪面演出：「你有聽過Spider Man、Iron Man，咁我就係Hip Hop Man。」

一直以來，有不少網民覺得內地節目經常做假，最初《中國有嘻哈》出街時，都引來不少議論，覺得請來MC Jin做學員，一切都是套路，全都是節目效果。究竟節目有冇做假？MC Jin回應：「我由開始到淘汰嗰一刻，期間所發生嘅所有事都好真實，然後我除咗個面罩嗰一刻，嗰個效果好自然地，就係一個好開心嘅效果，唔係節目效果。」MC Jin在節目裏講了更多比賽時的細節，如果想睇，就要留意返今晚的《兄弟幫》了。