羅志祥同五月天阿信各自擁有潮流品牌STAGE同STAYRAEL，每次有新貨開賣都定必吸引大批粉絲搶購，兩個品牌做得同樣出色，本來各不相干，不過，羅志祥日前就在深夜時份，走到阿信的STAYRAEL店舖門口噴紅油，仲要透過facebook上載影片表示：「叫你老闆出來！」

隨後，阿信亦上載一段影片，片中他戴上口罩，手持紅油到羅志祥的潮店STAGE門前，噴上一大個「X」，仲俾埋個讚，然後表示：「我的敵人只有一個！STAGE！」

粉絲見到二人讚晒咁去噴紅油，一致認為「X」代表聯乘，更笑言五迷從此又多個打卡勝地。果然，今日兩個品牌就公告：STAGE x STAYREAL 首度聯名！並解釋STAY REAL成立10周年，當然要搵個有份量嘅合作對象，而「X」既有聯名亦有10嘅意思。

兩大品牌以「Frenemy」為合作主題，而「Frenemy」一字是由Friend +Enemy組合，除了表示羅志祥同阿信在演藝圈各據一方的形象外，也凸顯二人多年來的友情。所有商品將於本月28日在online store公開發售。粉絲可以安坐家中搶購，係咪會開心啲？