【專訪】恭碩良斷韌帶引發抑鬱　人到中年需reset：個人開始怯

恭碩良今年只推出過兩首單曲，能夠再利用走tour的空檔出歌，難怪他說唱片公司給他超大的自由度。新歌《We All Fall Down》輕快的木結他聲，讓人感受到一股暖意。恭碩良說是去年身體出了點問題，有感需要reset，而歌曲正正就是送給在過程中給予最多支持的母親大人。

恭碩良與媽媽感情要好，除了demo都會讓她先「過目」之外，兩母子更共用同一個iTunes戶口，當年決定要做音樂人，媽媽沒有反對，爸爸則認為「搵唔到錢」。「我而家先明佢點解會咁講，就算朋友個仔要玩音樂，我都叫佢唔好夾band去玩管弦樂，唔係個個好似我咁好彩可以走tour又可以玩吓歌，係好現實同實在嘅事。」恭碩良曾在03年轉行，到亞洲各地售賣用來錄音的音樂硬件，轉行並非搵唔到食，而家搵到好啲嘅工，「我要示範俾琴行員工睇點用個器材，當中會用到自己歌，但永遠啲人都係問啲無關痛癢嘅問題……」最終回流香港，加盟太陽娛樂文化，原意不再出碟，只出單曲，偏偏15年因為夠歌，所以推出了《Playback Is a Bitch》，一切有如他說：「呢間公司自由度非常高。」
 

去年去林憶蓮大碟《陪著我走 In Search Of Lost Time》做監製期間，因打波弄斷了韌帶，由於實在沒辦法停下來，只好問Tonick借來電鼓，「夾硬」地去完成。生活方面，手因為打鼓弄得七勞八傷，在看中醫同時，再加上斷韌帶，上個廁隨時用兩、三小時，生活陷入一片低潮。「去廁所都搞咁耐，你唔抑鬱都腎虧啦，我現在可以funny咁講，但當時真係完全笑唔出，起初係瞓唔到，好忟，西方醫師少少嘢都會俾抑鬱藥，食完成日都集中唔到精神，明明瞓夠但都好飄，個人開始怯，於是停藥，但又變相去飲酒，飲到中醫話我繼續飲的話就得返10年。」一針見血，馬上戒酒又戒煙，恭碩良說並非怕連累到另一半，而是怕痛，加上踏入中年，錫身也是正常的。「我以前做騷，會拎支酒去，彈彈下捉人上台一齊隊，而家只係飲茶、中藥，周圍問人有無熱水。」說罷恭碩良打開暖壺喝一口熱茶……斷韌帶期間，媽媽只能在旁擔心，而女友則是關心多於擔心，恭碩良笑言是因為自己掩飾得好好，之後他更一直叮囑筆者不要把抑鬱症這部分寫得太沉重，怕媽媽會擔心。

林憶蓮去年參加內地歌唱節目《歌手》，恭碩良除負責打鼓亦擔起vocal producer。問到是否有女友參與的工作，會令他更感興趣。「有時你同人合作，要日日對住，真係要頂aible，搞得掂很多東西就會自然地發生。」恭碩良指憶蓮工作上有倫永亮老師為她計劃，而他則主力負責聲線部分，像《歌手》時，每粒音、抖氣位、甚至待機後的狀態都要計過度過。「但其實每個artist都清楚自己要咩，我只不過在旁提議同砌好件事，我好喜歡呢個位置，因為件事出到嚟係靚又有人欣賞。」對於女友，恭碩良已不像以為絕口不提，問他是否滿意當下所有擁有，他笑着點頭並說：「但可以更好。」所謂的更好，當然不是指二人的關係，而是工作上的部分，因為在經歷過《歌手》之後，看到內地的音樂熟練，香港一眾香港人實有不少檢討以及進步的空間。