新一集的《後生仔傾吓偈》繼續集齊麥明詩 (Louisa)、馮盈盈 (Crystal) 同陸浩明 (6號) 三位主持一起上陣，今集題目是「兼職」，講下大家做過幾多份兼職，仲有打工期間遇過甚麼奇怪的人和事。三位主持當中就以麥明詩的兼職經驗最豐富，打過7份工，包括補習、法律、銀行以及企業顧問，而馮盈盈就只做過3份，不過就無講是甚麼工種。Crystal今集很少分享自己的經歷，主要都是做下反應，又畀下回應咁，成晚她都表情多多，想聽她講金句或者發表偉論的觀眾可能會失望，但如果純粹想看她的靚樣，今集一定可以好滿足，因為她不停喺度表情包大放送，都好搶鏡㗎。

做過不少兼職的Louisa講起她的第一份工就是補習，她坦言：「嗰時真係想賺吓零用錢嘅，咁我幫人補習就收$1000一個鐘。」其他人聽到即「嘩」聲四起，覺得Louisa收得貴，Crystal卻並不覺得出奇地表示：「吓，乜唔係係人都知㗎咩？」但眾人依然覺得這是一個超高的價錢。以現今的大學生私人上門幫中學生補習收費來計，一般平均是$200一個鐘，Louisa講緊是幾年前她讀大學時已收人$1000個鐘，即是幾年前已收現在的5倍補習費，難怪大家都這麼嘩然，果然是名師級的收費。假設她一個星期補兩小時，一個月就有$8000了，如果全職做補習應該想窮都難。

Louisa就解畫說：「我哋嗰時係有一個selling point嘅，有好多家長想仔女入一啲名牌大學，而嗰啲大學係要經過面試嘅，呢個過程喺香港好少可以經歷到，所以我就可以，同埋我讀法律㗎嘛，咁我就可以幫啲想入法律系嘅學生做一啲模擬嘅面試，我知道佢哋（面試官）想要啲咩嘢。」又用殺人點解是犯法來做例子展示自己着重訓練學生的邏輯思考，6號即表示：「咁要收$2000個鐘喇！」Crystal也大表欣賞地問Louisa : 「你依家仲教唔教呀？」證明Louisa的確有料。Louisa指自己在Big Big Channel直播有免費為小學生補習，6號就問她：「咁你幫小學生補習係咪都係收$1000個鐘？」Louisa毫不猶豫地回答說：「無理由因爲係小學生，我就要收平啲㗎嘛。」又係喎。

馮盈盈表情包圖輯：