欣宜紅館騷想重現歷代女歌手經典　黃偉文：佢諗過連續唱跳20分鐘

鄭欣宜（Joyce）早前於她的Instagram上載了3段短片表示自己最近跌斷腳兼要入院做手術，醫生指她除了骨折之外，腳骨也有少許移位，Joyce更講到喊，話好擔心會影響她下年4月的紅館演唱會，叫大為幫她打氣加油。Joyce的人緣這麼好，當然有好多朋友和妙粉絲支持啦，大家紛紛留言希望她早日康復，提她記得要好好休養身體。而身為Joyce好友的黃偉文（Wyman）都好有心呀，已經諗定要送閃石輪椅給她做聖誕禮物喇。

昨晚Wyman出席活動時，提到今年聖誕節打算怎樣歡度，他就透露已經開始為一眾親朋好友挑選聖誕禮物，當然都有Joyce份。Wyman還講笑表示買給Joyce那份禮物最容易，笑言：「買架有閃石的輪椅給她就得啦。」知道Joyce手術後康復期間不良於行，就話要送輪椅仲要有閃石夠晒靚同特別，Wyman好窩心呀。他又透露Joyce想於明年個演做一些歷代女歌手所做過的事：「原本Joyce想以佢嘅龐大體型去做呢啲事，當係一個final exam，例如好似王菲、楊千嬅、Sammi嗰啲好經典嘅嘢，又有諗過連續唱跳20分鐘。點知發生咗意外，而家開會都有諗仲有冇其他嘢可以代替。」Wyman話如果自己是Joyce就會主力靠把聲，用唱功力壓四面台。