《爸爸去哪兒》一季比一季精彩，小朋友的表現更令觀眾哭笑不得，4歲嗯哼更一下子成了「撩妹大王」。早前一眾星媽為節目助陣，嗯哼媽媽霍思燕更即時被封為擁有少女顏值嘅辣媽。

不過，霍思燕其實係陀嗯哼時，曾暴肥34公斤，成個人肥到好似就快裂開咁。有網友搵返霍思燕陀B照出嚟，表示已經分唔到到底係圓潤定係浮腫，只係覺得母愛好偉大，至於霍思燕本人，亦曾經話過：「生完小孩後，瞬間卸下了9公斤，但其餘的25公斤都是靠努力減去的，當中包括運動以及控制飲食。」而當時杜江亦花了不少心思，每日為老婆煮營養粥。

霍思燕於2012年公開戀情，由於當時她已憑《一夜成名》上位，而杜江只係新人一名，加上二人於夜店認識，姊弟戀完全不被看好，就連霍思燕的好友李晨亦勸佢要小心啲。直到2013年，霍思燕宣布懷孕，杜江在一眾好友幫助下策劃一場驚喜求婚。如今杜江父憑子貴，就證明當初霍思燕無揀錯人。