令不少觀眾引頸而待的劇集《溏心風暴3》今晚就隆重首播，劇中今次加入了不少新演員好似大熱視帝人選王浩信，岑麗香、黃翠如，當然唔少得「溏心」代表演員李司棋、夏雨、米雪同關菊英。除了米雪同菊姐之外，其餘的演員們都有共同點，就係他們都有個人Instagram，今年9月司棋姐被網友發現開設IG，但原來夏雨比她早足足一個月開，但已經充分證明玩IG已經只是年青人專利。夏雨接受《香港01》訪問時就笑言，「戶口唔係我開㗎，係我公司職員話要搞，咪俾佢地玩下！」

提到IG內有不少po都非常符合，例如颱風日子同長假期日子，都會P圖到夏雨的舊相到，夏雨對於有呢嗰年輕人新玩意都感到好新奇，「我都覺得自己好落後，佢地(職員們)個個都話人人都有ig，你都要跟得上潮流，咁咪整囉。」他笑言完全唔知點玩IG，但就認為是一個同年輕人互動的宣傳平台。對於今晚就首播的《溏心風暴3》，提到未開播已有不少是第一二輯的die-hard觀眾話要死守直播，夏雨都話自己好期待，「話晒都做左咁耐，咁多時間拍攝同製作，到今晚正式播當然係好期待，大家付出咁多心機，希望佢可以有一個好嘅成績。」

講到今次劇集同內地視頻網站合作，會否怕收視好似早前《使徒行者2》未似如期？夏雨表示，「又唔怕，因為我地係同步播，佢地唔會播先，廣東地區嘅觀眾一定睇播TVB播出的版本。同埋我地有個優勢就係一星期播5日，唔似《踩過界》只係週末播。」最後他再表示就係對《溏心風暴3》好有信心，「始終有第一二輯嘅觀眾係度，好多人都會想睇下《溏心》隔咁多年，今次會搞乜鬼呢！」其實夏雨真係講得好得好啱，因為身邊有不少朋友都話今晚要返屋企煲劇！