視帝前哨戰玩讓賽 馬國明︰王浩信應該攞獎
撰文：林迅景
出版：更新：
TVB演員成績表的《萬千星輝頒獎典禮》，將於1月21日舉行。相信大家都會有自己的心水人選。不過今屆競爭就尤其激烈，特別是視帝的寶座更加是各有各好。《降魔的》的馬季（馬國明）、《踩過界》的盲俠（王浩信）兩位亦都是大熱人選，而又同樣地，暫時在網路上也是呼聲最高的兩位。
馬國明、王浩信兩位嘅演技就梗係冇得輸啦。難得兩位準視帝同場，梗係叫佢哋向大家宣傳下自己點解可以攞視帝！不過呢次就特別啲，要反行其道幫對方拉票。王浩信：「馬明不嬲都係大家公認演技派加偶像派，但係演技派再行多少少。」馬國明：「我好坦白講，近呢2，3年浩信係進步得最快最多。（進步啫。）唔係㗎，進步得快係好緊要㗎，尤其是我哋做咗咁多年，好難先跨到一啲樽頸位。」馬國明更說：「佢今年進步得最多，應該攞視帝。」咁話。
馬國明、王浩信兩位視帝大熱人選，雖然各指對方應該攞獎，但共同目標係唐詩詠攞視后。
馬國明喺訪問入面仲猛讚王浩信靚仔添。（林景迅 攝）
大家都知道，粉絲們都可以參與投票給自己喜歡的演員，當然就要比下邊個粉絲多啲啦。王浩信説笑道：「睇下唔同地區啦，我係汕尾以南。」馬國明：「我係汕尾以北，哈哈。不過每個演員拍劇都會捱更抵夜，至於邊個攞奬就睇少少運氣啦。」
訪問中馬國明、王浩信更透露了自己心目中的視后人選，竟然係同一人。王浩信：「你貼邊個？我就估係唐詩詠。」馬國明：「我都係唐詩詠。我係想詩詠攞，因為《不懂撒嬌的女人》佢係做得好好，今年佢好突出。當然佢（演技）好啦，咁我再加啲私人分數，因為佢係我個妹。」
馬明的天然呆是無敵的，昨晚就在台上來個真人版截圖。（黃國立 攝）
尋日頒獎禮上，王浩信率先拿下人氣男藝人獎。（黃國立 攝）
兩位視帝大熱就互笠高帽，但講到視后心水，兩位都力推唐詩詠。（黃國立 攝）
尋晚《踩過界》更奪得人氣電視劇集等多個獎項。（黃國立 攝）
+7