自從余文樂都宣布封盤後，華人影圈鑽石王老五已經買少見少，其中一個超級筍盤一定係彭于晏。Eddie呢日嚟到香港，所到之處都充滿少女少婦嘅尖叫聲。之前佢以頹廢阿伯look現身機場一樣被讚好型仔，對此佢都笑言：「我只要衣服是乾淨的不臭的就可以穿在身上。」

有留意開Eddie嘅ig，都會知佢平時都係Tee加牛仔褲就落街，同隔籬屋明仔真係沒兩樣。不過「你的樣子如何」，有Eddie嘅靚仔樣加fit爆身型，就算好似早兩日咁唔剃鬍鬚，格仔Tee加件底衫阿伯造型現身機場，一樣係好似漆黑中嘅螢火蟲咁突出。作為男神Eddie都好謙虛咁話： 「我只要衣服是乾淨的不臭的就可以穿在身上，走自然舒服的風格，男生嗎做自己而已。因為近幾年流行時尚街拍，我應該不是太時尚啦。」

上星期Eddie遠赴澳洲見証好兄弟余文樂結婚，仲上載一張將自己個樣key上新娘子嘅改圖，Eddie就哈哈大笑話：「就好玩嗎，大家常說我們是好基友， 很難忘終於看到好兄弟結婚。(有搶花球嗎？)哈哈沒有，因為阿樂本來就是比較低調的人，那個P圖是他放到網絡上，我就意思一下，希望不管怎樣他們幸福就好。」