蒼井空是世界的，呢句說話喺2018年1月1號起要改寫啦，日前佢喺網上曬婚戒宣布結婚，令全球男士心碎聲響足全晚。蒼井空於微博中以「他不是帥哥，然後沒有錢，但是他接受我以前的工作，所以他很捧」嚟形容另一半，大家都非常好奇到底係何方神聖可以奪取女神芳心﹗蒼井空除咗透露老公係擔任DJ工作的NON，同時曬出兩人開心暢飲合照，外型相當合襯。

蒼井空喺Twitter上透露老公係擔任DJ工作的NON，網友即時瘋狂搜尋佢到底係咩來頭。現年43歲嘅DJ NON比34歲嘅蒼井空大9歲，依家喺東京涉谷知名夜店「Sound Museum Vision」擔任DJ，還曾擔任過大和美姬丸、HALCALI、WISE、RIP SLYME等樂團演唱會DJ，也幫一青窈的歌曲製作混音版，擅長音樂創作，可算係才華洋溢。而蒼井空近年都有擔任音樂DJ到夜店捽碟，網友仲發現2016年時蒼井空曾經同DJ NON一齊演出，推測兩人因此結緣。

近年蒼井空轉往內地發展，不時到中國作宣傳，微博粉絲多達1800萬。佢分別喺IG、Twitter及微博上宣布婚訊，內容上都有些少唔同。而心水清嘅網友更發現佢選擇喺1月1日晚上11點11分，於微博上以中文公布婚訊，足以証明非常重視中國粉絲。佢喺文中透露出嫁心情：「我的媽媽是23歲的時間結婚了，然後24歲時生了我，所以我小時候的夢想是這樣的年齡結婚生仔，但，我已經30多歲。我想結婚我想要孩子，我想要我自己的家庭。」而喺日本嘅個人BLOG上佢坦言曾諗過等生小孩再公布婚訊，但同公司商量加上深思後，決定選擇新一年分享喜訊。