麥明詩早前在勁歌總選跳抖肩舞被網民笑她動作生硬，今日出席《誇世代》活動即刻做一系列空中瑜伽動作，證明自己筋骨柔軟。講到自己手腳唔協調，麥明詩就話：「可能我膊頭生得比較bonely，所以跳呢個抖肩舞都唔係好好睇。我細個係學跳舞，不過就係芭蕾舞，就冇跳開抖肩舞，所以就唔係好專業。」問到好多人都討論她與馮盈盈在勁歌總選做主持的表現，她就話：「凡事都會有第一次嘅，其實個show入面我哋有好多變動，今次嘅經驗都係學識點去執生。」

而麥明詩最近就有箍牙，因為牙齒位置會逐漸不同，所以她有演出嘅時候，唔係好想露齒笑：「因為啲牙仲係有啲郁動，所以會見到有啲參差不齊，講嘢而家都要就住就住，希望可以快啲拆箍喇。」不過都仲要等多10個月，真係好難捱㗎！但麥明詩話為咗長遠嘅美麗，唔介意等一等。