小S香港工作不忘抽空拍拖 粉絲大讚老公許雅鈞變年輕似梁朝偉
撰文：李妍樺
出版：更新：
小S（徐熙娣）自從冇做《康熙來了》之後，差唔多日日都喺Facebook同粉絲互動，時不時都見佢開直播，又或者分享同3個囡囡嘅生活照。家庭生活尚算美滿。可惜小S同老公許雅鈞成日都傳出好多唔好嘅新聞，先有麵包舖胖達人出事，之後又有傳家暴，但好在都只係傳聞嚟，兩公婆依然恩愛。
+2
早兩天，小S趁住嚟香港做嘢，順便帶埋老公許雅鈞甜蜜拍拖，小S著住件外套又戴埋帽，似乎就怕被大家認出。她平時鍾意飲酒就大家都知，所以同老公食飯都有杯紅酒放喺枱，不過眼利嘅網民留意嘅反而係佢老公許雅鈞，佢竟然冇著最鍾意嘅緊身衫，而係正正常常一件恤衫，換咗個Style成個人都唔同晒，有粉絲仲大讚許雅鈞唔單止後生咗，某個角度睇嚟仲好似梁朝偉，唔知大家又覺得似唔似呢？